(اسلام آباد۔اُردونیٹ پوڈکاسٹ 7 رجب 1439ھ) پاکستان بھر میں 23 مارچ یومِ پاکستان کو روایتی جوش وخروش اور وطن کو عظیم تر بنانے کے عزم کیساتھ منایا گیا۔ دارالحکومت اسلام آباد میں دن کا آغاز 31 توپوں اور صوبائی دارالحکومتوں میں 21 ، 21 توپوں کی سلامی سے ہوا جبکہ بیرونِ ملک پاکستان کے سفارتخانوں اور قونصل خانوں میں بھی یومِ پاکستان کی تقریبات کا اہتمام کیا گیا۔
اسلام آباد کے علاوہ کراچی، لاہور، پشاور اور کوئٹہ کے علاوہ دیگر شہروں میں بھی یومِ پاکستان کے حوالے سے تقریبات کا اہتمام کیا گیا۔


